السلام عليكم …

كالعادة ربعنا المحبين للشماته … مالقو شي يتشمتون عليه … داروه على روحهم بهاشتاغ #شي_متفقين_عليه_الكويتيين

وهذي بعض المشاركات

@MisharyBinSabt: #شي_متفقين_عليه_الكويتيين
ايييه وكثر لي الكاتشب وتكفه لا يتأخر الطلب انا كل مره اطلب منكم ..

@mkuwait78: #شي_متفقين_عليه_الكويتيين انه سيود ومشعل الشايع والدغش مايمثلونا وملاقتهم اكثر من احتياطي النفط بالخليج.

@alisarkhoo: #شي_متفقين_عليه_الكويتيين
يعشقون مكاسر الأسعار ليدرجه لو الشي ب50فلس يقول حق راعي البقاله اشدعوه وايد عطني3 ب100

المهم يكاسرون بالسعر

@Hushq8: #شي_متفقين_عليه_الكويتيين

باجر يسحبون عالدوام مع عطله العيد الوطني ويسحبون الاربعا والخميس اللي بعدها.
واللي مايسوي جذي انسميه ولد المصريه

@MONSTER11HUNTER: #شي_متفقين_عليه_الكويتيين
ان قوطي الردبول و قوطي ستارب بكس تعتبر من كماليات السياره

@FahadAlnowiser: #شي_متفقين_عليه_الكويتيين
الرجيم يبلش يوم الأحد

@Queen_Saroon: #شي_متفقين_عليه_الكويتيين

ان التوربان أخيس هبه ولازم تنقرض بأسرع وقت!

@italyan_q8: #شي_متفقين_عليه_الكويتيين

يفتنون على الداخليه وين حاطين كامرات ووين يسوون تفتيش ،،، شعب مافيا بالفطره

@ATC_Behbehani: #شي_متفقين_عليه_الكويتيين  ان نومة العصر *القيلولة* لازم تكون اكثر من خمس ساعات واهي النومة الاساسية بحياتنا

@iElessar: #شي_متفقين_عليه_الكويتيين كل الأمهات لازم عندهم صور كل أنواع الورود الي بالعالم  بتليفونهم وعليها كلام حلو ويدزونهم الصبح.

@godfather_q877: #شي_متفقين_عليه_الكويتيين
خززززززززززززز

@a7lamassa: #شي_متفقين_عليه_الكويتيين

نحط طماط بالسلطة وما ناكله

@Amazo11: #شي_متفقين_عليه_الكويتيين ، الشي الوحيد اللي حرام في السفر “لحم الخنزير” !

@r3bobaa: #شي_متفقين_عليه_الكويتيين آخر الشهر خصوصي بدينار

@SHoOSHoOAL3nazy: #شي_متفقين_عليه_الكويتيين
ان بعد كل مناسبة تصير بالكويت.. يسئلون هااا باجر عطلة ،،

@rights_78: #شي_متفقين_عليه_الكويتيين ان محد يحب الكويت اكثر من هيا عبدالسلام

@3laiwee_3taibe: #شي_متفقين_عليه_الكويتيين إذا دفع مبلغ كبير بالمحل قبل لا يطلع لازم يقول : مافي هديه #ارحل!

@sarbotyboy: الواسطه سبب في خراب البلد ..!! وهم كلهم سلال واسطات #شي_متفقين_عليه_الكويتيين

@MR_RGE: #شي_متفقين_عليه_الكويتيين

مارينا حق زلمات وافنيو حق عقد و٣٦٠ حق يهال

وبالاخير كلهم مطيحين هناك ☺

@3NTAARAH: #شي_متفقين_عليه_الكويتيين الكل يشيش واللي مايشيش يجي الشيشة يقعد مع اللي يشيشون

@Nouf_m88: العضلااااات … لازم الكويتي يكون معضل ! طيب في كويتي ماعندو عضلات؟ #شي_متفقين_عليه_الكويتيين

@AlmunayesDhary: #شي_متفقين_عليه_الكويتيين إن تلفزيون الكويت اييب المرض بس لازلنا إنحط قنواته أول شي بالرسيفر .

@mkuwait78: #شي_متفقين_عليه_الكويتيين اي احد يطق جرس البيت في اي وقت كان يكون الرد (( منو ياينا هالحزة )) حتى لو اهم مواعدين احد يزورهم بالاساس

@SaudAlMotawa: #شي_متفقين_عليه_الكويتيين ثلاجة الفندق ما تنجاس..

@AlzainaAlotaibi: ‏#شي_متفقين_عليه_الكويتيين  يكرهون الدوام :’)

@alwaq3y: #شي_متفقين_عليه_الكويتيين يبي يتزوج مدرسه علشان معاشها

@BU_TURKiii: يحطون صور بتويتر .. ويكتبون كلام بالإنستغرام .. ليش العناد ههههه #شي_متفقين_عليه_الكويتيين

@kayedq8: #شي_متفقين_عليه_الكويتيين متي ينزل المعاش ،وهو خدمته فوق عشر سنين وعارف تاريخ المعاش الحمار هههههههه

@AL_OTHAINAH: #شي_متفقين_عليه_الكويتيين .. أي واحد يقوم من مكانه يكون لهم خادم المصباح .. جيب ماي . شحن . زقاير . ككاو . كلنكس”

@mohamed_alqatan: #شي_متفقين_عليه_الكويتيين يروح مندي المائدة ولا الارنب الجائع بالخفجي مع الشباب يعني مغامرات واكشن !

@m7mdstud: #شي_متفقين_عليه_الكويتيين ان لحم الحمار الوحشي حلو عالشورما ولحم الفيل جيد ريش

@iBo3Dna: #شي_متفقين_عليه_الكويتيين اذا كويتي شاف كويتي و اهو مسافر يعطيه خزة ال “تره انا كويتي نفسك” مع ابتسامة ال “وحش كبتن”

@RaKaN_of_q8: #شي_متفقين_عليه_الكويتيين

ان هرن السياره  لغة تواصل

سلام- ديد
هلا والله- ديد ديد
دير بالك- دييييد
معصب- طااااط

بتطلب من المطعم- دد دد

@sultanals: #شي_متفقين_عليه_الكويتيين ان القيمات بس برمضان

@Asanad_: #شي_متفقين_عليه_الكويتيين

اذا كان أكل البيت حلو: واو چنه أكل مطعم
اذا كان أكل المطعم حلو: واو چنه أكل بيت
ما عرفنالكم

@iiHaNo: #شي_متفقين_عليه_الكويتيين
شرايكم نغيير جو = مطعم
شرايكم نتمشى=مطعم
شرايكم نروح سينما بعدها مطعم
اتفق الكويتيون على ان يبلعوا

وشكراً